Հնդկաստանում տանկի սուզվելու հետևանքով 5 զինվոր է զոհվել
1 րոպեի ընթերցում
![Հնդկաստանում տանկի սուզվելու հետևանքով 5 զինվոր է զոհվել](http://armenpress.am/resized/480/storage/images/articles/2024/06/30/2iCuTlqjjnQtsXgZxIdzDCZl2QyecF884QWCYO66.webp)
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ:Հնդկաստանի հյուսիսում Չինաստանի սահմանակից Լադահի տարածքում գետանցման փորձի ժամանակ տանկի սուզվելու հետևանքով հինգ հնդիկ զինվոր է մահացել:
«Արմենպրես»-ի հաղորդմամբ՝ այս մասին հայտնում է ABC News-ը՝ վկայակոչելով Հնդկաստանի պաշտոնական աղբյուրները:
Նշվում է, որ, հնդկական բանակի հրամանատարական կենտրոնի հաղորդագրության համաձայն, տանկը սուզվել է շաբաթ օրը Շայոկ գետի ջրի մակարդակի հանկարծակի բարձրացման պատճառով՝ զորավարժության ընթացքում։
Հնդկաստանի պաշտպանության նախարար Ռաջնաթ Սինգհը X-ի միկրոբլոգում ցավակցություն է հայտնել զոհվածների ընտանիքներին։