Հրշեջները մարել են Մաստարա գյուղում բռնկված հրդեհը
1 րոպեի ընթերցում
![Հրշեջները մարել են Մաստարա գյուղում բռնկված հրդեհը](http://armenpress.am/resized/480/storage/images/articles/2024/06/28/YuCiKp09H53gGBOogXkzPBw0gOjIELsrABaUeeOx.webp)
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Արագածոտնի մարզային փրկարարական վարչության ճգնաժամային կառավարման կենտրոնը հունիսի 28-ին, ժամը 17։52-ին ահազանգ է ստացել, որ Մաստարա գյուղում այրվում է տան տանիք։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Ըստ աղբյուրի՝ պարզվել է, որ հրդեհը բռնկվել է 11-րդ փողոց 1-ին փակուղու տներից մեկի տանիքում։
Հրդեհը մեկուսացվել է ժամը 18։20-ին, մարվել՝ 18։36-ին։ Մասամբ այրվել են տան (մոտ 77 քմ) տանիքի փայտե կառուցատարրերը և ասբոշիֆերը։