Հայտնաբերվել է Աղավնավանք գյուղի անտառում կորած քաղաքացու դին
1 րոպեի ընթերցում
![Հայտնաբերվել է Աղավնավանք գյուղի անտառում կորած քաղաքացու դին](http://armenpress.am/resized/480/storage/images/articles/2024/06/26/Dy7MbBSj3TEyDzuDLso3rqUcxi5cDMZ0FP98fhF4.webp)
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Տավուշի մարզային փրկարարական վարչության ճգնաժամային կառավարման կենտրոնը հունիսի 26-ին, ժամը 12:18-ին ահազանգ է ստացել, որ քաղաքացին Աղավնավանք գյուղի եկեղեցու մոտակայքում կորել է. անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ անտառում հայտնաբերվել է քաղաքացի Ա. Ա.-ի (ծնված 1963 թ.) դին:
Փրկարարներն անտառից պատգարակով դուրս են բերել (մոտ 1 կմ) դին և մոտեցրել շտապօգնության ավտոմեքենային: