Իրավունք

Արբիտրաժային վարույթի վերաբերյալ վերապատրաստում արբիտրների և փաստաբանների համար

4 րոպեի ընթերցում

Արբիտրաժային վարույթի վերաբերյալ վերապատրաստում արբիտրների և փաստաբանների համար

ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ։ Արբիտրաժի և հաշտարարության հայաստանյան կենտրոնը (AMCA) մեկնարկել է Կենտրոնի արբիտրների և փաստաբանների վերապատրաստման դասընթացը։ Միջոցառման նպատակն է փաստաբաններին և AMCA արբիտրներին ներկայացնել արբիտրի դերը, վարքագծի կանոնները, պարտականությունները, ինչպես նաև արբիտրաժային վարույթի իրականացման ամբողջ գործընթացը: Դասընթացի բացման խոսքով հանդես եկան Արբիտրաժի և Հաշտարարության հայաստանյան Կենտրոնի տնօրեն Տաթևիկ Մատինյանը և փոխտնօրեն Լիլիթ Պետրոսյանը։

«Այսպիսի միջոցառումները հնարավորություն են տալիս մասնագետներին ոչ միայն ձեռք բերել նոր գիտելիքներ, այլ նաև կիսել իրենց փորձառությունները և ստեղծել նոր համագործակցություններ՝ նպաստելով արբիտրաժի և հաշտարարության մշակույթի զարգացմանը Հայաստանում», - նշեց Տաթևիկ Մատինյանը։  

Օրվա առաջին հատվածում ներկայացվեց Արբիտրի դերի և պարտականությունների, վարքագծի կանոնների, AMCA-ի Արբիտրաժային կանոնների, բացարկ հայտնելու հիմքերի մասին մանրամասն տեղեկատվություն։

Իսկ երկրորդ հատվածում` AMCA-ի Արբիտրաժային խորհրդի անդամ, Ի.գ.թ, Լոնդոնի Քինգս քոլեջի դասախոս Հայկ Կուպելյանցը ներկայացրեց Արբիտրաժային գործի քննությունը, ընթացակարգի մանրամասները։ Քննարկվեց նաև Արբիտրաժային նիստի նախապատրաստման, իրականացման, ապացույցների գնահատման և արբիտրաժային վճռի նախագծման հիմքերը։

«Արբիտրաժի և հաշտարարության գործընթացները կարևոր նշանակություն ունեն ADR համակարգում, և մեր նպատակն է մասնագետներին ապահովել անհրաժեշտ գիտելիքներով և հմտություններով, որպեսզի նրանք կարողանան արդյունավետորեն լուծել վեճերը», - նշեց Հայկ Կուպելյանցը։

Առաջինը օրն ամփոփվեց մասնակիցների և բանախոսի միջև հարց ու պատասխանով և մասնագիտական քննարկմամբ։ 

Դասընթացի երկրորդ օրվա մեկնարկը տվեց AMCA-ի փոխտնօրեն Լիլիթ Պետրոսյանը, ով ներկայացրեց AMCA-ի Արբիտրաժային կանոնների հիման վրա արբիտրաժային վարույթի իրականացման մանրամասները։ 

Նա անդրադարձավ արբիտրաժային վարույթի փուլերին, այդ փուլերում արբիտրների և Կենտրոնի կողմից իրականացվող գործողություններին, ինչպես նաև այնպիսի արբիտրաժային վճիռ կայացնելուն, որը ենթակա չի լինի չեղյալ ճանաչման: 

AMCA-ի կողմից մշակված ձևաթղթերը, ինչպիսիք են գործի քննության ընթացակարգի արձանագրության, արբիտրաժային վճռի և այլ փաստաթղթերի տիպային օրինակները ևս ներկայացվեցին և քննարկվեցին:

Օրվա երկրորդ հատվածում մասնակիցները հնարավորություն ունեցան քննարկել մի քանի գործնական իրավիճակներ, որոնք վերաբերում էին արբիտրաժային համաձայնության վավերությանը, ՀՀ-ում արբիտրաժային կարգով քննության ենթակա հարցերի շրջանակին, արբիտրաժային վճռի չեղյալ ճանաչման հիմքերին և այլ հարցերին:

Այս դասընթացը դարձավ հարթակ մասնագետների համար՝ ձեռք բերելու նոր հմտություններ, փոխանակելու փորձառություն և ձևավորելու արժեքավոր համագործակցություններ։ Միջոցառումը նպաստեց արբիտրաժի ոլորտում մասնագիտական կարողությունների զարգացմանը և արդիականացմանը, ինչը մեծապես կբարձրացնի ոլորտի պրակտիկայի որակը և արդյունավետությունը։

 


 

Fastex-ը և ԵՊՀ-ն իրականացնում են համատեղ դասընթաց

Կրթություն

Fastex-ը և ԵՊՀ-ն իրականացնում են համատեղ դասընթաց

ՀՀ կառավարության համար ոստիկանության ոլորտի բարեփոխումները առաջնահերթություն են․ ՆԳ նախարարի տեղակալ

Իրավունք

ՀՀ կառավարության համար ոստիկանության ոլորտի բարեփոխումները առաջնահերթություն են․ ՆԳ նախարարի տեղակալ

ՀՀ ԿԳՄՍ փոխնախարար Արաքսիա Սվաջյանն այցելել է Լոռու մարզի մի շարք դպրոցներ

Կրթություն

ՀՀ ԿԳՄՍ փոխնախարար Արաքսիա Սվաջյանն այցելել է Լոռու մարզի մի շարք դպրոցներ

ՀՀ ԿԳՄՍ նախարարը եզդիների ներկայացուցիչների հետ քննարկել է բուհերից մեկում եզդիերենի ուսուցման ամբիոն հիմնելու հարցը

Կրթություն

ՀՀ ԿԳՄՍ նախարարը եզդիների ներկայացուցիչների հետ քննարկել է բուհերից մեկում եզդիերենի ուսուցման ամբիոն հիմնելու հարցը

2024-2026 թվականների Ոստիկանության բարեփոխումների ծրագիրը կօգնի անձնակազմի համար գրագետ կրթություն ապահովել. Արփինե Սարգսյան

Իրավունք

2024-2026 թվականների Ոստիկանության բարեփոխումների ծրագիրը կօգնի անձնակազմի համար գրագետ կրթություն ապահովել. Արփինե Սարգսյան

Ճարտարապետական ամառային դպրոց՝ Շիրակի մարզում

Կրթություն

Ճարտարապետական ամառային դպրոց՝ Շիրակի մարզում

ՔԿ-ն մանրամասներ է հայտնում Երևան-Սևան-Իջևան ավտոճանապարհի հյուրանոցում ողբերգական ելքով կրակոցների դեպքի մասին

Իրավունք

ՔԿ-ն մանրամասներ է հայտնում Երևան-Սևան-Իջևան ավտոճանապարհի հյուրանոցում ողբերգական ելքով կրակոցների դեպքի մասին

ՀՀ ԲՏԱ նախարար Հայրապետյանը մասնակցել է Պոլիտեխնիկական համալսարանի շրջանավարտների ավարտական երեկոյին

Կրթություն

ՀՀ ԲՏԱ նախարար Հայրապետյանը մասնակցել է Պոլիտեխնիկական համալսարանի շրջանավարտների ավարտական երեկոյին

ՆԳ նախարար Վահե Ղազարյանն աշխատանքային այց է կատարել ՆԳՆ ոստիկանության զորքեր

Իրավունք

ՆԳ նախարար Վահե Ղազարյանն աշխատանքային այց է կատարել ՆԳՆ ոստիկանության զորքեր

Ոստիկանությունը ներկայացրել է մարզերում ուժեղացված ծառայության արդյունքները

Իրավունք

Ոստիկանությունը ներկայացրել է մարզերում ուժեղացված ծառայության արդյունքները

ՅՈՒՆԵՍԿՕ-ի պատվիրակությունն այցելել է ՀՀ կրթական և մշակութային մի շարք հաստատություններ

Կրթություն

ՅՈՒՆԵՍԿՕ-ի պատվիրակությունն այցելել է ՀՀ կրթական և մշակութային մի շարք հաստատություններ

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում