Անի Սամսոնյանը դադարեցնում է «Լուսավոր Հայաստան» կուսակցությանն իր անդամակցությունը
1 րոպեի ընթերցում
![Անի Սամսոնյանը դադարեցնում է «Լուսավոր Հայաստան» կուսակցությանն իր անդամակցությունը](http://armenpress.am/resized/480/storage/images/articles/2024/06/17/3mBdAszvOAX6iIUWg5XgVUDJJlpIqrIh2ZtwHvlH.webp)
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ։ Անի Սամսոնյանը դադարեցնում է «Լուսավոր Հայաստան» կուսակցությանն իր անդամակցությունը։ «Արմենպրես»-ի հաղորդմամբ՝ Սամսոնյանն այս մասին հայտարարել է «Ֆեյսբուք»-ի իր էջում։
««Լուսավոր Հայաստան» կուսակցությունում ես իմ թիմի հետ անցել եմ բարդագույն քաղաքական ճանապարհ: Դուք եղել եք իմ կողքին, ես եղել եմ ձեր կողքին: Դուք բոլորդ իմ ընկերներն եք: Բայց ես պետք է ասեմ, որ իմ առաքելությունը կուսակցությունում ավարտված է:
Մայիսի 29-ին դիմել եմ ԼՀԿ Կառավարման խորհրդին իմ լիազորությունները խորհրդում և անդամակցությունս կուսակցությունում դադարեցնելու համար: Լրացուցիչ մեկնաբանություններ չունեմ և չեն լինելու»,-գրել է Անի Սամսոնյանը՝ հավելելով, որ քաղաքական գործունեությունը շարունակելու է: