Արյան դոնորի համաշխարհային օրվա կապակցությամբ Երևանում կանցկացվի բացօթյա արյունատվության ակցիա
1 րոպեի ընթերցում
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ։ Արյան դոնորի համաշխարհային օրվա 20-ամյակի կապակցությամբ հունիսի 14-ին բացօթյա արյունատվության ակցիա կանցկացվի Երևանում:
«Արմենպրես»-ի փոխանցմամբ՝ ՀՀ առողջապահության նախարարությունից հայտնում են, որ ժամը 09:30-15:00-ը ակցիան կիրականացվի Խաչքարերի պուրակում («Հանրապետության հրապարակ» մետրոյի կայարանի հարևանությամբ) և Seasons այգում (Մաշտոցի պողոտա 15/5):
Արյունատվության ամբողջ ընթացքում պրոֆ. Ռ. Հ. Յոլյանի անվան արյունաբանական կենտրոնի բժշկական թիմը կլինի ակցիաների վայրերում: