ԵՄ արտաքին գործողությունների եվրոպական ծառայության տնօրենն այցելել է Երասխ և Եղեգնաձոր

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ։ Հայաստանում Եվրոպական Միության դիտորդական առաքելությունն ընդունել է Եվրոպական միության արտաքին գործողությունների եվրոպական ծառայության Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ-ի հարցերով գործադիր տնօրեն Միխայել Զիբերտի գլխավորած պատվիրակությանը։

«Արմենպրես»-ի հաղորդմամբ՝ այս մասին նշված է ՀՀ-ում ԵՄ դիտորդական առաքելության X-ի միկրոբլոգում կատարված գրառման մեջ՝ հավելելով, որ պատվիրակության անդամներն այցելել են Երասխ, ինչպես նաև ԵՄ առաքելության՝ Եղեգնաձոր քաղաքում գտնվող շտաբ-գրասենյակ։

Honoured to host Mr. Michael Siebert, Managing Director for Russia, Eastern Partnership, Central Asia, Regional Cooperation and OSCE. The delegation visited Yeraskh village and the Mission HQ in Yeghegnadzor. Good discussions on EUMA's work and activities on the ground. pic.twitter.com/zeQWL3cUft

— European Union Mission in Armenia (@EUmARMENIA) June 5, 2024

«Պատիվ է հյուրընկալել Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ-ի հարցերով գործադիր տնօրեն Միխայիլ Զիբերտին: Պատվիրակությունն այցելել է Երասխ գյուղ և առաքելության՝ Եղեգնաձորում գտնվող շտաբ: Լավ քննարկումներ անցկացրեցինք Հայաստանում Եվրոպական Միության առաքելության աշխատանքի և գործունեության վերաբերյալ», - նշվում է գրառման մեջ։