Հիմնանորոգվել են Գավառ քաղաքի «Մաշտորգի դար» կոչվող տարածքի Կաբելագործների փողոց տանող աստիճանները
1 րոպեի ընթերցում
![Հիմնանորոգվել են Գավառ քաղաքի «Մաշտորգի դար» կոչվող տարածքի Կաբելագործների փողոց տանող աստիճանները](http://armenpress.am/resized/480/static/news/b/2024/05/1138349.jpg)
ԳԱՎԱՌ, 30 ՄԱՅԻՍԻ, ԱՐՄԵՆՊՐԵՍ։ Ավարտվել են Գավառ քաղաքի «Մաշտորգի դար» կոչվող տարածքի՝ Կաբելագործների փողոց տանող աստիճանների հիմնանորոգման աշխատանքները:
Ինչպես «Արմենպրես»-ը տեղեկացավ Գավառի համայնքապետարանի աշխատակազմից, Բազալտ քարից կառուցված աստիճանների որոշ հատվածներ ժամանակի ընթացքում վնասվել, քանդվել էին, որոնց փոխարեն կատարվել են լրացումներ։ Աստիճանների երկայնքով մեկ, մեջտեղում, կառուցվել է երկաթյա բռնաձող, որն աստիճանային ճանապարհը բաժանում է երկու մասի՝ մի մասը իջնողների, մի մասը՝ բարձրացողների համար։ Աստիճանների հիմնանորոգումն արդեն օգնում է Զորավար Անդրանիկ փողոցի բազմաբնակարան շենքի բնակիչներին, որպեսզի նրանք, շրջանցելով նույն փողոցը, ոտքով ու ավելի կարճ ճանապարհով հասնեն քաղաքի կենտրոնական հրապարակի տարածք։ Առկա է նաև լուսավորություն։
Աստիճանների շինաշխատանքներն իրականացրել է «Հազարաշեն» ԱԿ-ն:
Շինարարությունը սկսվել է 2023 թվականից և ավարտին հասցվել մայիսի կեսերին։ Աստիճանների հիմնանորոգման նպատակով Գավառ համայնքի 2023 թվականի բյուջեից հատկացվել է 13 միլիոն 955 հազար դրամ:
Խոսրով խլղաթյան