Գեղարքունիքի դպրոցականները 13 դիպլոմի և 10 գովասանագրի են արժանացել առարկայական օլիմպիադայի հանրապետական փուլում

ԳԱՎԱՌ, 30 ՄԱՅԻՍԻ, ԱՐՄԵՆՊՐԵՍ։ Գեղարքունիքի մարզից առարկայական օլիմպիադայի հանրապետական փուլի մասնակցած 70 աշակերտներից 13-ը տուն են վերադարձել դիպլոմներով, 10-ը՝ գովասանագրերով։

Ինչպես «Արմենպրես»-ը տեղեկացավ Գեղարքունիքի մարզպետի աշխատակազմի ԿՄՍ վարչությունից, մարզից հանրապետական օլիմպիադայի մասնակից 13 աշակերտներից երկուսն արժանացել են 1-ին, երեքը՝ 2-րդ և ութ աշակերտ՝ 3-րդ կարգի դիպլոմների։ Նրանք ՀՀ ԿԳՄՍ նախարարության կողմից արժանացել են նաև անվանական կրթաթոշակի։

Գեղարքունիքի մարզպետ Կարեն Սարգսյանն առաջին կարգի դիպլոմի արժանացած երկու աշակերտներին խրախուսել է նաև ՀՀ Գեղարքունիքի մարզպետի շնորհակալագրով։

Գեղարքունիքի մարզից դպրոցականների 2023-2024 ուսումնական տարվա առարկայական օլիմպիադայի հանրապետական փուլում առաջին կարգի դիպլոմի են արժանացել Ներքին Գետաշեն գյուղի N 1 միջնակարգ դպրոցի 10-րդ դասարանի աշակերտ Արամ Մարտիկյանը՝ «Պատմություն» և Մեծ Մասրիկ գյուղի միջնակարգ դպրոցի 9-րդ դասարանի աշակերտուհի Արփինե Գասպարյանը՝ «ՀԵՊ»առարկաներից։

2-րդ կարգի դիպլոմի են արժանացել Մարտունու Ս. Դարբինյանի անվան N 2 հիմնական դպրոցի 9-րդ դասարանի աշակերտ Սերյոժա Թադևոսյանը՝ «Աշխարհագրություն», Գավառի ավագ դպրոցի 10-րդ դասարանի աշակերտուհի Աիդա Սիրականյանը՝ «Հայոց լեզու» և Գավառի ավագ դպրոցի 11-րդ դասարանի աշակերտուհի Էմմա Մանուկյանը՝ «Գրականություն» առարկաներից։

3-րդ կարգի դիպլոմի են արժանացել Մարտունու ավագ դպրոցի 10-րդ դասարանի աշակերտուհի Հասմիկ Ալեքսանյանը՝ «Աշխարհագրություն», Սևանի ավագ դպրոցի 12-րդ դասարանի աշակերտ Բենիամին Հայրապետյանը՝ «Քիմիա», Մարտունու ավագ դպրոցի 11-րդ դասարանի աշակերտ Արաբո Գորոյանը՝ «Պատմություն», Ներքին Գետաշեն գյուղի N 1 միջնակարգ դպրոցի 12-րդ դասարանի աշակերտ Արտյոմ Բաղդասարյանը՝ «Գերմաներեն», Գավառի ավագ դպրոցի 10-րդ դասարանի աշակերտուհի Հայուհի Միքայելյանը՝ «Հայոց լեզու», Գավառի ավագ դպրոցի 11-րդ դասարանի աշակերտուհի Էմմա Մանուկյանը՝ «Հայոց լեզու», Ներքին Գետաշեն գյուղի N 1 միջնակարգ դպրոցի 10-րդ դասարանի աշակերտուհի Լենա Սարգսյանը՝ «ՀԵՊ», Մեծ Մասրիկ գյուղի միջնակարգ դպրոցի 12-րդ դասարանի աշակերտուհի Վերա Երեմյանը՝ «ՀԵՊ» առարկաներից։

Դպրոցականների առարկայական օլիմպիադաներին լավագույն մասնակցություն ցուցաբերելու համար գովասանագրեր են ստացել Մարտունու Ս. Դարբինյանի անվան N 2 հիմնական դպրոցի 9-րդ դասարանի աշակերտ Արեն Ավետիսյանը՝ «Աշխարհագրություն», Ծովինար գյուղի Արծրուն Խաչատրյանի անվան միջնակարգ դպրոցի 12-րդ դասարանի աշակերտ Ալեք Թառոյանը՝ «Աշխարահագրություն», Սարուխան գյուղի Ս. Մակարյանի անվան N 1 միջնակարգ դպրոցի 9-րդ դասարանի աշակերտ Աբել Խաչատրյանը՝ «Պատմություն», Լիճքի Հովհ. Թումանյանի անվան միջնակարգ դպրոցի 12-րդ դասարանի աշակերտուհի Գայանե Մկրտչյանը՝ «Պատմություն», Ծովինար գյուղի Արծրուն Խաչատրյանի անվան միջնակարգ դպրոցի 12-րդ դասարանի աշակերտուհի Անուշ Բաղդասարյանը՝ «Պատմություն», Նորատուս գյուղի N 1 միջնակարգ դպրոցի 9-րդ դասարանի աշակերտուհի Մոնիկա Սամվելյանը՝ «Հայոց լեզու», Սևանի ավագ դպրոցի 10-րդ դասարանի աշակերտուհի Մարիամ Մելիքյանը՝ «Հայոց լեզու», Թթուջուր գյուղի միջնակարգ դպրոցի 11-րդ դասարանի աշակերտուհի Նունե Բորյանը՝ «Հայոց լեզու», Գավառի Գեորգի Մնացականյանի անվան N7 միջնակարգ դպրոցի 10-րդ դասարանի աշակերտուհի Անուշ Սիմոնյանը՝ «Ռուսաց լեզու» և Մեծ Մասրիկ գյուղի միջնակարգ դպրոցի 9-րդ դասարանի աշակերտ Նվեր Մամաջանյանը՝ «ՀԵՊ» առարկաներից։

Մայիսի 29-ին առարկայական օլիմպիադայի հանրապետական փուլում աչքի ընկած բոլոր աշակերտներին ԿԳՄՍ նախարարության կողմից շնորհված դիպլոմներն ու գովասանագրերը հանձնել է Գեղարքունիքի մարզպետ Կարեն Սարգսյանը՝ շնորհավորելով նրանց ու հաջողություններով մաղթելով հետագա ուսումնառության մեջ։

Խոսրով Խլղաթյան