Տարածաշրջանային

Ռայիսիի ուղղաթիռը գտել են, «իրադրությունը լավ չէ». Իրանի Կարմիր մահիկի ընկերություն

2 րոպեի ընթերցում

Ռայիսիի ուղղաթիռը գտել են, «իրադրությունը լավ չէ». Իրանի Կարմիր մահիկի ընկերություն

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ։ Իրանի Կարմիր մահիկի ընկերության նախագահը հայտարարել է, որ որոնողափրկարարական խմբերը գտել են նախագահ Էբրահիմ Ռայիսիի կործանված ուղղաթիռը։ «Արմենպրես»-ի փոխանցմամբ՝ այս մասին հաղորդում է IRNA գործակալությունը։

Ըստ հրապարակման՝ Իրանի Կարմիր մահիկի ընկերության նախագահ Փիր Հոսեյն Կոլիվանդը մայիսի 20-ին հայտնել է, որ խմբերը հասել են ինքնաթիռի կործանման վայր։

Նա այլ մանրամասներ չի հայտնել, սակայն նշել է՝ «իրադրությունը լավ չէ»։

«73 փրկարարական խմբեր ներկա են ուղղաթիռի որոնման վայրում՝ Թավալ գյուղում, առաջադեմ և մասնագիտացված սարքավորումներով», - ասել է նա։

Ավելի վաղ Կարմիր մահիկից հայտնել էին, որ որոնողական խմբերը շարժվել են երկու վայրերի ուղղությամբ, որոնք նույնականացվել էին թուրքական «Աքինջի» անօդաչու թռչող սարքի կողմից։

Որոնողական աշխատանքները, որին ներգրավված են նաև Իրանի զինված ուժերը, շարունակվել են լեռնոտ տեղանքում՝ Իրանի Արևելյան Ադրբեջան նահանգում գտնվող Վարզաքան քաղաքի շրջակայքում, չնայած մառախուղին և անձրևային եղանակին։

Մայիսի 19-ին նախագահ Ռայիսիի ուղղաթիռը վայրէջք կատարելիս կործանվել էր Վարզաքանի շրջանում, երբ նա երկրի արտգործնախարար Հոսեյն Ամիր Աբդոլլահիանի և այլ պաշտոնյաների հետ վերադառնում էր Իրանի և Ադրբեջանի սահմանին գտնվող ջրամբարի բացման արարողությունից։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում