ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ։ Ազգային ժողովը հերթական նիստի օրակարգից հանեց Սահմանադրական դատարանի դատավորի ընտրության հարցը։ «Արմենպրես»-ի հաղորդմամբ՝ ԱԺ նիստում այս մասին ասաց ԱԺ փոխնախագահ Ռուբեն Ռուբինյանը։
«Տեղեկացնեմ, որ Սահմանադրական դատարանի դատավորի թեկնածու Դավիթ Խաչատուրյանն առողջական խնդիրների պատճառով չի կարող մասնակցել հարցի քննարկմանը և խնդրել է տեղափոխել այն։ Հետևաբար, հերթական նիստի օրակարգից հարցը հանվում է և հետագայում կքննարկվի»,- նշեց Ռուբինյանը։
Հայաստանի Հանրապետության դատավորների ընդհանուր ժողովը Սահմանադրական դատարանի դատավորի թափուր տեղում ընտրելու համար առաջարկել էր Դավիթ Խաչատուրյանի թեկնածությունը: