Քաղաքականություն

Կոնգրեսական Գուս Բիլիրակիսը տարածաշրջանում Թուրքիայի գործողություններն աններելի է համարում

1 րոպեի ընթերցում

Կոնգրեսական Գուս Բիլիրակիսը տարածաշրջանում Թուրքիայի գործողություններն աններելի է համարում

ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Ամերիկայի Միացյալ Նահանգների կոնգրեսական, Կոնգրեսի հայկական հարցերով հանձնախմբի համանախագահ Գուս Բիլիրակիսն անդրադարձել է Հարավային Կովկասում Թուրքիայի իրականացրած քայլերին՝ համարելով դրանք շարունակական վայրագություններ և ընդգծելով դրանց աններելի լինելը։

«Արմենպրես»-ի հաղորդմամբ՝ Բիլիրակիսն այդ մասին խոսել է Կոնգրեսում կայացած միջոցառման ժամանակ, որը նվիրված է եղել Հայոց ցեղասպանության զոհերի հիշատակին, ինչպես նաև Հայաստանին ու Լեռնային Ղարաբաղին։

Նա անդրադարձել է նաև ԱՄՆ-ի հայկական ու հունական համայնքների ջանքերին՝ ապահովելու նախագահ Ջո Բայդենի աջակցությունը Հարավային Կովկասում ԱՄՆ-ի իրական դաշնակիցներին։

«Մենք երբեք չենք հանձնվի։ Մենք երբեք չենք դադարեցնի պայքարը»,- ասել է Բիլիրակիսը։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում