ԵԽ անդամ երկրների ներկայացուցիչները քննարկել են Ռեյկյավիկի հռչակագրի իրականացման ընթացքը

ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ։ Եվրոպայի խորհրդում Հայաստանի մշտական ներկայացուցիչ Արման Խաչատրյանը մասնակցել է Եվրոպայի խորհրդի նախարարների կոմիտեի արտագնա հանդիպմանը։ Ինչպես տեղեկացնում է «Արմենպրես»-ը, այս մասին հայտնում է ԵԽ-ում ՀՀ ներկայացուցչության «Ֆեյսբուք»-ի էջը։

«Ապրիլի 4-5-ին Լիխտենշտեյնում տեղի է ունեցել Եվրոպայի խորհրդի նախարարների կոմիտեի արտագնա հանդիպումը:

ԵԽ անդամ երկրների մշտական ներկայցուցիչները քննարկել են 2023 թ․ Ռեյկյավիկի հռչակագրի իրականացման ընթացքը, ինչպես նաև մայիսին կայանալիք ԵԽ նախարարական համաժողովի նախապատրաստական աշխատանքները։

ԵԽ դեսպաններին ընդունել է նաև Լիխտենշտեյնի իշխան Ալոիս ֆոն Ունդ Ցու Լիխտենշտայնը»,- նշված է հաղորդագրության մեջ։