Հայաստանը խորապես մտահոգված է Դամասկոսում Իրանի հյուպատոսության վրա վերջին հարձակմամբ. ԱԳՆ

ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: Հայաստանը խորապես մտահոգված է Դամասկոսում Իրանի հյուպատոսության վրա տեղի ունեցած հարձակման առնչությամբ: «Արմենպրես»-ի փոխանցմամբ՝ այս մասին X-ում հայտարարություն է տարածել ՀՀ արտաքին գործերի նախարարությունը։

«Դիվանագիտական ներկայացուցչության անձեռնմխելիությունը պարտադիր է և չպետք է կասկածի տակ դրվի որևէ պարագայում: Մեր անկեղծ ցավակցությունն ենք հայտնում զոհերին և վիրավորներին»,- ասվում է հաղորդագրության մեջ։

Armenia is deeply concerned by the recent attack on the Iranian consulate in Damascus. The inviolability of diplomatic representations is a must & should not be questioned under any pretext. We express our sincere sympathy to victims & wounded.

— MFA of Armenia (@MFAofArmenia) April 2, 2024

Ապրիլի 1-ին Իսրայելը հրթիռային հարվածներ է հասցրել Դամասկոսում Իրանի դեսպանությանը, ինչի հետևանքով կան զոհեր։