1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի Բելգորոդի մարզի ղեկավարը հայտնել է, որ Ուկրաինայի զինված ուժերը վերջին 1 օրվա ընթացքում հրետանիով և ականանետներով գնդակոծել են Բելգորոդի մարզը՝ արձակելով մոտ 30 արկ։ «Արմենպրես»-ի փոխանցմամբ՝ նահանգապետ Վյաչեսլավ Գլադկովն իր Telegram ալիքում գրել է, որ տուժածներ չկան։
«Բելգորոդի շրջանում 22 ականանետային արկ է արձակվել Ժուրավլյովկա գյուղի ուղղությամբ: Տուժածներ և ավերածություններ չկան․․․․ Շեբեկինսկի քաղաքային շրջանում 3 ականանետային արկ է արձակվել Պանկով ագարակի ուղղությամբ, Նովայա Տավոլժանկա գյուղի վրա՝ 2 հրետանային արկ», - գրել է նա։
Բացի այդ, հարվածների հետևանքով վնասվել է տուն Գոլովինո գյուղական բնակավայրում և շինություն՝ Ստարի Խուտոր գյուղում։
Միևնույն ժամանակ Խերսոնի մարզի՝ Ուկրաինայի վերահսկողության տակ գտնվող հատվածի իշխանությունները հայտնել են, որ Լվովո գյուղի գնդակոծության հետևանքով զոհվել է 59-ամյա խաղաղ բնակիչ։