ԼՂ-ից բռնի տեղահանվածների աջակցության սահուն շարունակության համար նոր ծրագրեր են քննարկվում և մշակվում
1 րոպեի ընթերցում
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ։ Լեռնային Ղարաբաղից բռնի տեղահանված հայրենակիցների համար միջնաժամկետ և երկարաժամկետ աջակցության ծրագրերը ՀՀ աշխատանքի և սոցիալական հարցերի նախարարության համար օրակարգային են և ըստ այդմ՝ քննարկվում ու մշակվում են նոր ծրագրեր։
«Արմենպրես»-ի հաղորդմամբ՝ այս մասին փետրվարի 16-ին «Հումանիտար կենտրոն»-ում կայացած ասուլիսին ասել է Աշխատանքի և սոցիալական հարցերի նախարարի մամուլի քարտուղար Զարուհի Մանուչարյանը՝ ընդգծելով, որ դրանք կապահովեն ընթացիկ ծրագրերի շարունակականությունը։
«Այն ծրագիրը, որն այժմ գործում է՝ բնակվարձերի և կոմունալ վճարների համար, 6 ամիս տևողությամբ է։ Այն կավարտվի մարտ ամսին և, բնականաբար, կլինի նաև ծրագիր, որը կապահովվի սահուն շարունակությունը»,-հավելել է Մանուչարյանը։