Աշտարակում կայացել է ՔՊ-ի նախաձեռնող խմբի նիստը. վարչապետը հանդես է եկել ելույթով

ԵՐԵՎԱՆ,10 ՓԵՏՐՎԱՐԻ, ԱՐՄԵՆՊՐԵՍ։ Աշտարակ քաղաքում փետրվարի 10-ին կայացել է «Քաղաքացիական պայմանագիր» կուսակցության նախաձեռնող խմբի նիստ, որը վարել է վարչության նախագահ, ՀՀ վարչապետ Նիկոլ Փաշինյանը։ «Արմենպրես»-ի հաղորդմամբ՝ այս մասին տեղեկացրել է «Քաղաքացիական պայմանագրի» «Ֆեյսբուք»-ի էջը։

Նիստին մասնակցել են Կուսակցության Արագածոտնի մարզի Տարածքային կազմակերպությունների անդամները, մարզպետը, պատգամավորներ, համայնքների ղեկավարներ և Կուսակցության վարչության անդամներ։

Վարչապետ Նիկոլ Փաշինյանը հանդես է եկել ելույթով և պատասխանել կուսակցականների հարցերին։