1 րոպեի ընթերցում
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ։ Ռուսաստանի Բելգորոդի մարզում կործանվել է Իլ-76 ռազմատրանսպորտային ինքնաթիռը, որում գտնվում էր 74 մարդ։ «Արմենպրես»-ի փոխանցմամբ՝ այս մասին հաղորդում է ՏԱՍՍ գործակալությունը։
«Ս․թ․ հունվարի 24-ին, Մոսկվայի ժամանակով մոտավորապես ժամը 11:00-ին, Բելգորոդի մարզում պլանային թռիչքի ժամանակ վթարի է ենթարկվել Իլ-76 ինքնաթիռը։ Ինքնաթիռում գտնվել է Ուկրաինայի զինված ուժերի 65 ռազմագերի, որոնք փոխանակման նպատակով տեղափոխվում էին Բելգորոդի շրջան, անձնակազմի 6 անդամ և 3 ուղեկցող անձ», - հայտնել են Ռուսաստանի պաշտպանության նախարարությունում։
Ինչպես պարզաբանել է ՌԴ ՊՆ-ն, աղետի պատճառները պարզելու համար ինքնաթիռի կործանման վայր է մեկնել ՌԴ օդատիեզերական ուժերի հանձնաժողովը։