Լուկա Յուրիչիչը կրկին հանդես կգա Երևանի «Փյունիկ»-ում

ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Խորվաթ հարձակվող Լուկա Յուրիչիչը վարձակալական հիմունքներով ռումինական «Կլուժից» վերադառնում է «Փյունիկ»։

«Արմենպրես»-ի հաղորդմամբ` այս մասին հայտնում է «Փյունիկ»-ի մամուլի ծառայությունը:

Լուկան ընթացիկ մրցաշրջանում «Փյունիկ»-ին օգնել էր առաջնության մեկ խաղում և մասնակցություն ունեցել ամռանը Կոնֆերենցիաների լիգայի որակավորման փուլի հանդիպումներին: Յուրիչիչը 5 խաղում դարձավ 3 գոլի հեղինակ:

Օգոստոսին Լուկան միացավ ռումինական «Կլուժին», որի կազմում 17 խաղ է անցկացրել և մրցակիցներին տխրեցրել է երկու անգամ:

Յուրիչիչը բացի նախորդ ամռանը գրանցած ցուցանիշներից, իր գոլերով օգնել է թիմին 2022/23 մրցաշրջանի եվրագավաթային ճանապարհի ընթացքում: Խորվաթ հարձակվողը դուբլ էր գրանցել Չեմպիոնների լիգայի որակավորման 2-րդ փուլի «Դյուդելանժի» դեմ հաղթական խաղում (4:1), և իր անվան դիմաց ամրագրել Կոնֆերենցիաների լիգայի խմբային փուլի «Բազելի» հետ տնային խաղի միակ գոլը:

26-ամյա հարձակվողը Հայաստանի Պրեմիեր լիգայի նախորդ մրցաշրջանում հեղինակել էր 17 գոլ և կիսել լավագույն ռմբարկուի մրցանակը Յուսուֆ Օտուբանջոյի հետ: Լուկան 2 անգամ ճանաչվել է Հայաստանի Պրեմիեր լիգայի 2022/23 մրցաշրջանի ամսվա լավագույն ֆուտբոլիստ:

Լուկան ամռանը «Փյունիկ»-ից հեռացել էր 3 ռեկորդով.եվրագավաթների հայկական ակումբների լավագույն ռմբարկու (6), ինչպես նաև խփած անընդմեջ գոլերով (4 խաղ):