Հասարակական

Մարզերում Պարեկային ծառայության ուժեղացված ծառայության շնորհիվ նվազել են ՃՏՊ-ները, զոհերի ու վիրավորների թիվը. ՀՀ ՆԳՆ

3 րոպեի ընթերցում

Մարզերում Պարեկային ծառայության ուժեղացված ծառայության շնորհիվ նվազել են ՃՏՊ-ները, զոհերի ու վիրավորների թիվը. ՀՀ ՆԳՆ

ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի մարզերում Պարեկային ծառայության ուժեղացված ծառայության շնորհիվ մեկ ամսում ճանապարհատրանսպորտային պատահարները նվազել են 291 դեպքով, 250 դեպքով նվազել են նյութական վնասով, 31-ով՝ մարմնական վնասվածքի և 10 դեպքով՝ մահվան ելքով պատահարները։ «Արմենպրես»-ին այս մասին տեղեկացրին ՀՀ ներքին գործերի նախարարությունից։

«Պարեկային ծառայությունը հոկտեմբերի 28-ին սկսեց գործել Սյունիքի, Վայոց ձորի, Արմավիրի և Արարատի մարզերում։ Այսպիսով, կարելի է փաստել, որ ձեռնարկված լայնածավալ միջոցառումների ու նախապատրաստական աշխատանքների շնորհիվ պարեկային ծառայություն իրականացվում է արդեն հանրապետության ողջ տարածքում։

Մեկնարկից օրեր անց՝ նոյեմբերի 10-ից, ՀՀ ներքին գործերի նախարարի հանձնարարությամբ ու ոստիկանության պետի հրամանով՝ Պարեկային ծառայությունը հանրապետության մարզերում անցել է ուժեղացված ծառայության։

Եվ արդյունքները սպասել չտվեցին:

Այսպես՝ նոյեմբերի 10-ից դեկտեմբերի 10-ը մարզերում արձանագրվել է ճանապարհատրանսպորտային 529 պատահար։ Նախորդ ամսվա համեմատ՝ պատահարները նվազել են 291 դեպքով։ 250 դեպքով նվազել են նյութական վնասով, 31-ով՝ մարմնական վնասվածքի և 10 դեպքով՝ մահվան ելքով պատահարները։ Նվազել է նաև ճանապարհատրանսպորտային պատահարների հետևանքով զոհվածների և մարմնական վնասվածքներ ստացած անձանց թիվը. զոհերը՝ 13-ով, իսկ մարմնական վնասվածքներ ստացած անձինք՝ 53-ով»,- ասվում է հաղորդագրության մեջ։

Ըստ աղբյուրի՝ ուժեղացված ծառայությանը զուգահեռ կատարված վերլուծությամբ պարզվել է, որ նշված ժամանակահատվածում մահվան ելքով ճանապարհատրանսպորտային պատահարների պատճառ են դարձել քաղաքացիների կողմից ոչ թույլատրելի հատվածով փողոցներ հատելը, վարորդի կողմից ոչ թույլատրելի հատվածով վազանց կատարելը, մեքենայի կառավարումը կորցնելը, ոչ սթափ վիճակում վարելը, հանդիպակաց երթևեկելի գոտի անցնելը և արագության գերազանցումը։

Նշվում է, որ մարմնական վնասվածքներով ճանապարհատրանսպորտային պատահարների պատճառ են դարձել վարորդների կողմից արագության գերազանցումը, հանդիպակաց գոտի դուրս գալը, ճանապարհների լուսավորված չլինելը և ոչ սահմանված վայրով վազանց կատարելը։

«Ուժեղացված ծառայությունը շարունակվում է, բայց ցանկալի արդյունքի հասնել միայն վարչարարությամբ, անհնար է, ուստի Ներքին գործերի նախարարությունը դիմում է երթևեկության մասնակիցներին՝ ցուցաբերել գիտակից, իրավահարգ ու օրինապահ վարքագիծ։

Երթևեկության հարգելի՛ մասնակիցներ՝ վարորդներ, ուղևորներ ու հետիոտներ, կոչ ենք անում պահպանել ճանապարհային երթևեկության կանոնները, փոխադարձ հարգանք դրսևորել իրար նկատմամբ, խստագույնս հետևել երթևեկության անվտանգության ապահովմանն ու վերահսկողության բոլոր պահանջներին։

Հիշեք, որ առաջին հայացքից աննշան թվացող խախտումը կարող է կյանք արժենալ երթևեկության մասնակցի համար և ողբերգություն դառնալ նրա հարազատների համար»,- զգուշացնում է ՀՀ ՆԳՆ նախարարությունը։

Երեխաների նկատմամբ բռնության դեպքերը հնարավոր է կանխել օրենսդրական բացերը լրացնելով և հասարակության իրազեկվածությունը  բարձրացնելով

Իրավունք

Երեխաների նկատմամբ բռնության դեպքերը հնարավոր է կանխել օրենսդրական բացերը լրացնելով և հասարակության իրազեկվածությունը բարձրացնելով

ՀՀ ՄԻՊ-ի աշխատակազմն ուսումնասիրություն է սկսել մանկապարտեզի աշխատակցի կողմից երեխայի նկատմամբ ֆիզիկական բռնություն գործադրման դեպքով

Իրավունք

ՀՀ ՄԻՊ-ի աշխատակազմն ուսումնասիրություն է սկսել մանկապարտեզի աշխատակցի կողմից երեխայի նկատմամբ ֆիզիկական բռնություն գործադրման դեպքով

Դատական կարգով քննվելու են Գյումրու նախկին քաղաքապետերի 24 որոշումները

Մարզային

Դատական կարգով քննվելու են Գյումրու նախկին քաղաքապետերի 24 որոշումները

Ոստիկանները ձերբակալել են մանկապարտեզներից մեկում երեխային ֆիզիկական բռնության ենթարկած աշխատակցին

Իրավունք

Ոստիկանները ձերբակալել են մանկապարտեզներից մեկում երեխային ֆիզիկական բռնության ենթարկած աշխատակցին

ԿԳՄՍՆ-ն երեխայի նկատմամբ բռնության վերաբերյալ համացանցում շրջանառվող տեսանյութը համապատասխան մարմիններին է փոխանցել

Իրավունք

ԿԳՄՍՆ-ն երեխայի նկատմամբ բռնության վերաբերյալ համացանցում շրջանառվող տեսանյութը համապատասխան մարմիններին է փոխանցել

Ոստիկանությունն ուսումնասիրում է մանկապարտեզներից մեկում կնոջ կողմից երեխային բռնության ենթարկելու տեսանյութը

Իրավունք

Ոստիկանությունն ուսումնասիրում է մանկապարտեզներից մեկում կնոջ կողմից երեխային բռնության ենթարկելու տեսանյութը

Կադաստրի կոմիտեն ընդլայնում է էլեկտրոնային եղանակով փաստաթղթերի ընդունման շրջանակը․ նոր փոփոխությունն ուժ մեջ է մտել հուլիսի 24-ից

Իրավունք

Կադաստրի կոմիտեն ընդլայնում է էլեկտրոնային եղանակով փաստաթղթերի ընդունման շրջանակը․ նոր փոփոխությունն ուժ մեջ է մտել հուլիսի 24-ից

Նիկոլ Փաշինյանն այցելել է Արմավիրի մարզ

Իրավունք

Նիկոլ Փաշինյանն այցելել է Արմավիրի մարզ

ՆԳՆ-ն հերքել է լուրը, թե հունվարի 1-25-ը ՀՀ-ում երթևեկության կանոնների խախտման 515 հազար 430 արձանագրություն է կազմվել

Իրավունք

ՆԳՆ-ն հերքել է լուրը, թե հունվարի 1-25-ը ՀՀ-ում երթևեկության կանոնների խախտման 515 հազար 430 արձանագրություն է կազմվել

ՀՀ ՆԳ նախարարը Վանաձորում կհանդիպի քաղաքացիների հետ

Իրավունք

ՀՀ ՆԳ նախարարը Վանաձորում կհանդիպի քաղաքացիների հետ

Նոր Հաճնի 35-ամյա բնակչի սպանության համար մեղադրվող և հետախուզման մեջ գտնվող անձը կալանավորվել է

Իրավունք

Նոր Հաճնի 35-ամյա բնակչի սպանության համար մեղադրվող և հետախուզման մեջ գտնվող անձը կալանավորվել է

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում