«Արևմտյան Ադրբեջան»-ի հայեցակարգը Հայաստանի դեմ նոր պատերազմ հիմնավորելու հայեցակարգ է․ վարչապետ
1 րոպեի ընթերցում
![«Արևմտյան Ադրբեջան»-ի հայեցակարգը Հայաստանի դեմ նոր պատերազմ հիմնավորելու հայեցակարգ է․ վարչապետ](http://armenpress.am/resized/480/static/news/b/2023/11/1124887.jpg)
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ։ «Արևմտյան Ադրբեջան» խոսույթը կասկածի տակ է դնում Ադրբեջանի անկեղծությունը խաղաղության գործընթացի նկատմամբ։ «Արմենպրես»-ի փոխանցմամբ՝այս մասին հայտարարեց Հայաստանի վարչապետ Նիկոլ Փաշինյանն ուղիղ եթերում՝ պատասխանելով քաղաքացու հարցին։
«Խաղաղության գործընթացի առանցքային դրույթներից մեկը պետք է այն լինի, որ Հայաստանն ու Ադրբեջանն իրար նկատմամբ տարածքային պահանջներ չունեն և դե-յուրե պարտադիր պարտավորություն են պատրաստ ստանձնել ապագայում ևս նման պահանջներ առաջ չքաշելու վերաբերյալ։
«Արևմտյան Ադրբեջան»-ը ի՞նչ է։ «Արևմտյան Ադրբեջան»-ի հայեցակարգը Հայաստանի դեմ նոր պատերազմ ձևավորելու, կառուցելու, հիմնավորելու հայեցակարգ է»,- պարզաբանեց վարչապետը։