1 րոպեի ընթերցում
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ։ Ադրբեջանը Հայաստանին հանդիպում է առաջարկել հայ-ադրբեջանական սահմանին՝ խաղաղության պայմանագրի շուրջ բանակցությունները շարունակելու համար։ Ինչպես հաղորդում է «Արմենպրես»-ը, այս մասին հաղորդագրություն է տարածել Ադրբեջանի արտաքին գործերի նախարարությունը։
«Երկու կողմերն էլ պատասխանատվություն են կրում խաղաղ գործընթացը շարունակելու համար, ներառյալ՝ փոխադարձ ընդունելի վայրի ընտրությունը կամ պետական սահմանին հանդիպման վերաբերյալ որոշումը»,- նշված է նախարարության տարածած տեղեկատվության մեջ։
Ադրբեջանի ԱԳՆ-ն հույս է հայտնել, որ Հայաստանը դրական կարձագանքի, որպեսզի մոտակա ժամանակահատվածում սկսվեն բանակցությունները։
Հայաստանի արտաքին գործերի նախարարությունը նոյեմբերի 21-ին հայտնեց, որ ադրբեջանական կողմին են փոխանցվել խաղաղության պայմանագրի տեսքտի վերաբերյալ Հայաստանի 6-րդ առաջարկները։