Միջազգային

Աշխատանքից ազատված Open AI-ի հիմնադիր Սեմ Ալթմանը միացել է Microsoft-ին

1 րոպեի ընթերցում

Աշխատանքից ազատված Open AI-ի հիմնադիր Սեմ Ալթմանը միացել է Microsoft-ին

ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ։ OpenAI-ի հիմնադիր Սեմ Ալթմանն աշխատանքից ազատվելուց հետո 48 ժամ անց միացել է Microsoft ընկերությանը։ «Արմենպրես»-ի փոխանցմամբ՝ Ալթմանի նոր նշանակման մասին հայտնել է Microsoft ընկերության նախագահ և գործադիր տնօրեն Սաթյա Նադելլան։

«Մենք ոգևորված ենք հայտնելու, որ Սեմ Ալթմանը և Գրեգ Բրոքմանը, գործընկերների հետ միասին, կմիանան Microsoft-ին՝ ղեկավարելու նոր առաջադեմ արհեստական բանականության (AI) ուսումնասիրություններով զբաղվող թիմը», - գրել է նա X սոցիալական հարթակում։

Տնօրենների խորհուրդը 38-ամյա Սեմ Ալթմանին աշխատանքից ազատել էր նոյեմբերի 17-ին՝ նշելով, որ նրա հանդեպ վստահությունը կորել է։ Ալթմանը լքել էր Open AI-ի տնօրենների խորհուրդը և գործադիր տնօրենի պաշտոնը։ Հաղորդվել էր նաև, որ տնօրենների խորհրդի նախագահի և OpenAI-ի համահիմնադրի պաշտոնն է թողնելու Գրեգ Բրոքմանը:

Ալթմանը համահիմնադրել է OpenAI-ը 2015 թվականին: Նրա ղեկավարությամբ ընկերությունը թողարկել է ChatGPT-ն, որից ամեն շաբաթ օգտվում է գրեթե 100 մլն մարդ:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում