Երևանի կենտրոնում նոյեմբերի 13-ից ժամը 07:00-ից մինչև 21:00-ն կարգելվի բեռնատարների երթևեկությունը
1 րոպեի ընթերցում
ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Երևանի կենտրոնի բեռնաթափմանն ուղղված համալիր ծրագրի շրջանակում նոյեմբերի 13-ից Խանջյան փողոցից մինչև Սարյան փողոց և Գրիգոր Լուսավորչի փողոցից մինչև Կորյունի փողոց հատվածներում, որը ներառում է շուրջ 40 փողոց և պողոտա, կարգելվի երթևեկությունը՝ առավելագույն զանգվածը 2.5 տոննա բեռնատարների համար:
Ինչպես «Արմենպրես»-ին տեղեկացրին Երևանի քաղաքապետարանից, սահմանափակումները կգործեն առավոտյան 07:00-ից մինչև 21:00-ն:
Քաղաքապետարանը տուգանքներից խուսափելու համար հորդորում է հետևել ճանապարհային նշաններին: