Հրշեջները մարել են Արարատի մարզի Փոքր Վեդի գյուղում բռնկված հրդեհը

ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Արարատի մարզային փրկարարական վարչության ճգնաժամային կառավարման կենտրոնը նոյեմբերի 12-ին, ժամը 00։42-ին ահազանգ է ստացել, որ Փոքր Վեդի գյուղի Հայկ Մանուկյան փողոցի տներից մեկում հրդեհ է բռնկվել:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։

Ըստ աղբյուրի՝ պարզվել է, որ հրդեհը բռնկվել է Հայկ Մանուկյան փողոցի տներից մեկին կից շինությունում:

Նշվում է, որ հրդեհը մեկուսացվել է ժամը 01:33-ին, մարվել՝ 02:05-ին: Այրվել են շինությունը (մոտ 25 քմ)՝ գույքով և կից գտնվող ավտոտնակի տանիքը՝ մասնակի (մոտ 50 քմ):