Պարեկներին կաշառելու փորձ արած ոչ սթափ վարորդը ձերբակալվել է
1 րոպեի ընթերցում
![Պարեկներին կաշառելու փորձ արած ոչ սթափ վարորդը ձերբակալվել է](http://armenpress.am/resized/480/static/news/b/2023/11/1123770.jpg)
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: ՆԳՆ ոստիկանության պարեկային ծառայության Երևանի գնդի 1-ին գումարտակի 1-ին վաշտի ծառայողները նոյեմբերի 6-ի ժամը 23.10-ին Թամանցիների փողոցում կաշառք տալու կասկածաքնով ձերբակալել և ոստիկանության Շենգավիթի բաժին են ներկայացրել 44-ամյա տղամարդու:
Ինչպես «Արմենպրես»-ին տեղեկացրին ՀՀ ներքին գործերի նախարարության ոստիկանությունից, նա ԲՄՎ մակնիշի մեքենան վարել է ոգելից խմիչքի ազդեցության տակ և այդ փաստը չարձանագրելու համար պարեկների մեքենան է դրել 20 000 դրամ:
Ըստ աղբյուրի՝ կազմված փաստաթղթերը ներկայացվել են քննչական բաժին: