1 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ։ Իրանի կենտրոնում գտնվող Նեսրաբադ և Սպահան քաղաքներում լայնածավալ զորավարժություններ են սկսվել։ «Արմենպրես»-ի հաղորդմամբ՝ այս մասին հայտնում է «Irna» գործակալությունը՝ հղում անելով իր ռազմական թղթակցին:
Զորավարժություններին մասնակցում են հետևակ, կիրառվում են զրահատեխնիկա, հրթիռներ, հրետանի, ռազմաօդային ուժեր, անօդաչու թռչող սարքեր, ինչպես նաև տրանսպորտային և օժանդակ ավիացիա:
Զորավարժությունները ստացել են «Ակտադար-1402» («Իշխանություն-2023») անվանումը։