«ՀրազՋԷԿ»-ի չշահագործվող շինության ներսում այրվել է մոտ 38 խմ փայտ

ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Կոտայքի մարզային փրկարարական վարչության ճգնաժամային կառավարման կենտրոնը հոկտեմբերի 24-ին, ժամը 13։01-ին տեղեկություն է ստացել, որ «ՀրազՋԷԿ»-ի (Հրազդանի ջերմային էլեկտրակայան – խմբ.) տարածքում գտնվող չշահագործվող երկաթե շինությունում (մոտ 100 քմ) այրվում է փայտ:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատների երեք մարտական հաշվարկ:

Նշվում է, որ հրդեհը մեկուսացվել է ժամը 13։20-ին, մարվել՝ 16։50-ին։ Չշահագործվող շինության ներսում այրվել է մոտ 38 խմ փայտ։