ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ։ Եվրոպական Միության Արտաքին հարաբերությունների խորհրդում հոկտեմբերի 23-ին տեղի կունենա քննարկում Հայաստանի և Ադրբեջանի շուրջ զարգացումների վերաբերյալ։
«Արմենպրես»-ի հաղորդմամբ՝ այս մասին հայտնում են ԵՄ խորհրդի մամուլի ծառայությունից՝ մանրամասնելով, որ խորհրդի նիստը կղեկավարի Արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը, մտքեր կփոխանակվեն Հայաստանի և Ադրբեջանի շուրջ զարգացումների վերաբերյալ։