388.12
ԼՂ-ից բռնի տեղահանված 234 անձ բուժվում է ՀՀ բուժկենտրոններում․ նրանցից 76-ի վիճակը ծանր է, 11-ինը՝ ծայրահեղ ծանր
1 րոպեի ընթերցում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղից բռնի տեղահանված և Հայաստանում բուժումը շարունակող 234 անձանցից 76-ի վիճակը ծանր է, 11-ինը՝ ծայրահեղ ծանր:
«Արմենպրես»-ի հաղորդմամբ՝ այս մասին հոկտեմբերի 10-ին «Հումանիտար կենտրոն»-ում կայացած ասուլիսում հայտնեց Հայաստանի վարչապետի մամուլի քարտուղար Նազելի Բաղդասարյանը:
«Այս պահի դրությամբ հայաստանյան տարբեր առողջապահական հաստատություններում բուժումը շարունակում է 234 անձ: Նրանցից 76-ի վիճակը ծանր է, 11-ինը՝ ծայրահեղ ծանր: 7 երեխայի վիճակը միջին ծանրության է, նրանց բուժումը շարունակվում է»,-ասաց նա:
Ինչ վերաբերում է առողջապահական առաջնային օղակում գրանցումներին, ապա ԼՂ-ից բռնի տեղահանված 21 743 անձ արդեն իսկ կցագրվել է ամբուլատորիաներում և պոլիկլինիկաներում:
