Գեղարքունիքի մարզի Շատվան գյուղում տուն է այրվել

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Գեղարքունիքի մարզային փրկարարական վարչության ճգնաժամային կառավարման կենտրոնը հոկտեմբերի 8-ին, ժամը 06։08-ին ահազանգ է ստացել, որ Շատվան գյուղում այրվում է տուն։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Ըստ աղբյուրի՝ պարզվել է, որ հրդեհը բռնկվել է գյուղի 3-րդ փողոցի տներից մեկում (մոտ 120 քմ)։

Նշվում է, որ հրդեհը մեկուսացվել է ժամը 07։05-ին, մարվել՝ 08։58-ին։ Այրվել են տան հյուրասենյակը (25 քմ)՝ գույքով, երկու ննջասենյակ (22 քմ և 12 քմ)՝ գույքով, առաստաղների փայտե կառուցատարրերը և կենցաղային իրեր: