Դպրոցի ճաշարանում հայտնաբերվել է ժամկետանց սննդամթերք. ՍԱՏՄ
1 րոպեի ընթերցում
![Դպրոցի ճաշարանում հայտնաբերվել է ժամկետանց սննդամթերք. ՍԱՏՄ](http://armenpress.am/resized/480/static/news/b/2023/10/1121370.jpg)
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ։ Կոտայքի մարզի «ՁորաղբյուրիՎահունի Կարապետյանի անվան միջնակարգ դպրոց»-ում կատարած ստուգման արդյունքում դպրոցի ճաշարանում հայտնաբերվել են պիտանիության ժամկետն անցած մածուն (2 կգ) և 30 հատ ձու։ Ինչպես «Արմենպրես»-ին հայտնում են ՀՀ սննդամթերքի անվտանգության տեսչական մարմնից, ժամկետանց սննդամթերքը ոչնչացվել է։
ՀՀ սննդամթերքի անվտանգության տեսչական մարմինը հորդորում է հանրակրթական ուսումնական հաստատությունների տնօրեններին խստագույնս պահպանել մատակարարվող սննդամթերքին գործող օրենսդրությամբ ներկայացվող պահանջները։
Հանրակրթական ուսումնական հաստատություններում շրջանառվող սննդամթերքի անվտանգության հետ կապված խնդիրների առաջացման դեպքում անհրաժեշտ է զանգահարել Տեսչական մարմնի թեժ գծին՝ 118 անվճար հեռախոսահամարով: