171 ավտոբուսի և 15 տրոլեյբուսի մատակարարումը նախատեսվում է մինչև հոկտեմբերի վերջ. Երևանի փոխքաղաքապետ
1 րոպեի ընթերցում
![171 ավտոբուսի և 15 տրոլեյբուսի մատակարարումը նախատեսվում է մինչև հոկտեմբերի վերջ. Երևանի փոխքաղաքապետ](http://armenpress.am/resized/480/storage/images/articles/2024/08/26/L1JHA1DJw5MrZ2AA6VkDAArLZwb0jYCQjiejpfeC.webp)
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ։ Նոր 171 ավտոբուսի և 15 տրոլեյբուսի մատակարարումը նախատեսվում է մինչև հոկտեմբերի վերջ, իսկ տոմսային համակարգի հետ կապված աշխատանքները կավարտվեն մինչև սեպտեմբերի 15-ը։
«Արմենպրես»-ի հաղորդմամբ՝ այս մասին գործակարգավարական խորհրդակցության ընթացքում հայտնեց Երևանի քաղաքապետի տեղակալ Սուրեն Գրիգորյանը։
Նա զեկուցեց, որ այս պահին Երևանի տրանսպորտի տոմսային համակարգի հետ կապված աշխատանքները հանձման-ընդունման փուլում են և կարծիք հայտնեց, որ մինչև սեպտեմբերի 15-ն այդ աշխատանքները կավարտվեն։
Անդրադառնալով նոր կանգառասրահներին՝ Գրիգորյանը հայտնեց, որ մինչև սեպտեմբերի 15-ը տեղադրված կլինի նոր նմուշային օրինակը։
«171 նոր ավտոբուսը և 15 տրոլեյբուսն արդեն մատակարարման փուլում է, նախատեսում ենք, որ մինչև հոկտեմբերի վերջը կմատակարարվեն»,-ասաց Սուրեն Գրիգորյանն՝ անդրադառնալով Երևան քաղաքի հասարակական տրանսպորտի համակարգի արդիականացման աշխատանքների ընթացքին։