388.4
ԼՂ-ից բռնի տեղահանվածներին աջակցելու համար ավելի քան 1000 կամավոր է հերթագրվել
1 րոպեի ընթերցում
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղից բռնի տեղահանվածներին աջակցելու՝ ՀՀ աշխատանքի և սոցիալական հարցերի նախարարության գործարկած կամավորների հավաքագրման հարթակում գրանցվել է ավելի քան 1000 քաղաքացի: «Արմենպրես»-ի փոխանցմամբ՝ «Հումանիտար կենտրոն»-ում կայացած ասուլիսում այս մասին հայտնեց Հայաստանի վարչապետի մամուլի քարտուղար Նազելի Բաղդասարյանը:
«Այս պահին ավելի քան 1000 մարդ միացել է և մեզ հետ հավասար կիսում է հումանիտար աշխատանքերը։ Արդեն տարբեր վայրերում կամավոր պիտակով և Հումանիտար կենտրոնի համապատասխան հագուստով կտեսնեք կամավորների, որոնք առանց տրտնջալու օր ու գիշեր օգնել և նեցուկ են կանգնել պետությանը»,- ասաց Բաղդասարյանը։
Վարչապետի մամուլի քարտուղարը շնորհակալություն հայտնեց բոլոր կամավորերին, որոնք այս պահին փորձում են օգնել և օգտակար լինել հանրությանը։
Բաժանորդագրվեք մեր ալիքին Telegram-ում
