ՆԳՆ ՄՔԾ պետը և վարչապետի մամուլի քարտուղարը կներկայացնեն ԼՂ-ից բռնի տեղահանվածներին «Հումանիտար կենտրոն»-ի աջակցությունը

ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ՆԳՆ միգրացիայի և քաղաքացիության ծառայության պետ Արմեն Ղազարյանը և Վարչապետի մամուլի քարտուղար Նազելի Բաղդասարյանը սեպտեմբերի 28-ի ժամը 20:00-ին ուղիղ եթերում կներկայացնեն Լեռնային Ղարաբաղից բռնի տեղահանված մեր հայրենակիցներին Կառավարության «Հումանիտար կենտրոն»-ի կողմից ցուցաբերվող աջակցության աշխատանքների ընթացքը:

Ինչպես «Արմենպրես»-ին տեղեկացրին ՀՀ վարչապետի աշխատակազմից, աշխատանքների ընթացքը ներկայացումը կհեռարձակվի Կառավարության ֆեյսբուքյան էջով, յութուբյան պաշտոնական ալիքով և Հանրային հեռուստաընկերությամբ: