ԼՂ-ում տեղի ունեցած պայթյունի տարածքում իրականացված որոնողական աշխատանքների արդյունքում հայտնաբերվել են մասունքներ
1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ։ Լեռնային Ղարաբաղում սեպտեմբերի 25-ին տեղի ունեցած պայթյունի տարածքում իրականացված որոնողական աշխատանքների արդյունքում հայտնաբերվել են մասունքներ։
Ինչպես «Արմենպրես»-ը տեղեկանում է ՆԳ Արտակարգ իրավիճակների պետական ծառայության տարածած հաղորդագրությունից, նրանց ինքնությունը բացահայտելու համար կիրականացվի դատաբժշկական փորձաքննություն։
Նախարարությունը կից նաև լուսանկարներ է հրապարակել, նշելով, որ նույն տարածքից հայտնաբերվել են լուսանկարում պատկերված իրերը:
«Եթե լուսանկարներում պատկերված իրերը Ձեր հարազատներինն է, կարող եք մոտենալ ԱԻՊԾ օպերատիվ շտաբ, կառավարության 0 հարկ»,- ասված է հարազատներին ուղղված հաղորդագրության մեջ: