ՀՀ ԱԽ քարտուղարը Գրանադայի հնգակողմ հանդիպումը նախապատրաստելու համար կմեկնի Բրյուսել (լրացված)

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ անվտանգության խորհրդի քարտուղար Արմեն Գրիգորյանն աշխատանքային այցով կմեկնի Բելգիայի մայրաքաղաք Բրյուսել, որտեղ սեպտեմբերի 26-ին նախատեսվում է ԱԽ քարտուղարի հանդիպումը Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի, ԵՄ խորհրդի նախագահ Շառլ Միշելի խորհրդականների ու Ադրբեջանի նախագահի օգնական Հիքմեթ Հաջիևի հետ՝ նախապատրաստելու հոկտեմբերի 5-ին Գրանադայում նախատեսված ՀՀ վարչապետի և նշված առաջնորդների հնարավոր հանդիպումը: «Արմենպրես»-ին այս մասին տեղեկացրին ՀՀ ԱԽ գրասենյակից։