1 րոպեի ընթերցում
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Շտապօգնության 23 մեքենա մասնագետների ուղեկցությամբ Լեռնային Ղարաբաղից Հայաստան են տեղափոխում ԼՂ ծանր և ծայրահեղ ծանր վիրավորում ստացած 23 քաղաքացու։ «Արմենպրես»-ն այս մասին տեղեկացավ ՀՀ առողջապահության նախարարությունից։
Ըստ աղբյուրի՝ Կարմիր խաչի միջազգային կոմիտեի ուղեկցությամբ մեքենաներն անցել են Հակարիի կամուրջը։
ՀՀ առողջապահության նախարարությունը լրացուցիչ տեղեկատվություն կտրամադրի։