2 րոպեի ընթերցում
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ։ Նյու Յորքում ՄԱԿ-ի Գլխավոր վեհաժողովի 78-րդ նստաշրջանի շրջանակներում հանդիպում է կայացել Եվրոպայի արտաքին քաղաքականության ծառայության ղեկավար Ժոզեպ Բորելի և Իրանի արտգործնախարար Հոսեյն Ամիր Աբդոլլահիանի միջև։
«Արմենպրես»-ի փոխանցմամբ՝ հանդիպման մասին X-ի իր միկրոբլոգում հայտնել է Ժոզեպ Բորելը՝ նշելով, որ Աբդոլլահիանին է փոխանցել հիմնական 3 ուղերձ։
Met @Amirabdolahian in the margins of #UNGA78 to pass 3 main messages:
1) we condemn arbitrary detentions of EU nationals & urge for their release
2) need to find diplomatic solution to nuclear issue through JCPOA
3) stop military cooperation with Russiahttps://t.co/FZT3Ut4pWR pic.twitter.com/qI2XCQ2FLJ
— Josep Borrell Fontelles (@JosepBorrellF) September 20, 2023
Բորելը, մասնավորապես, նշել է, որ ԵՄ-ն դատապարտում է ԵՄ քաղաքացիների «կամայական ձերբակալությունները» և կոչ է անում ազատ արձակել նրանց։ Երկրորդ՝ Բորելը շեշտել է «Գործողությունների համատեղ համապարփակ ծրագրի» միջոցով միջուկային խնդրի դիվանագիտական լուծում գտնելու անհրաժեշտությունը։ Բացի այդ, ԵՄ բարձր ներկայացուցիչը Իրանի ԱԳ նախարարին կոչ է արել դադարեցնել Ռուսաստանի հետ ռազմական համագործակցությունը։
2021 թ․ ապրիլից Իրանի և ԳՀՀԾ-ի մյուս հինգ կողմերի՝ Մեծ Բրիտանիայի, Ֆրանսիայի, Գերմանիայի, Չինաստանի և Ռուսաստանի միջև Վիեննայում բանակցությունների մի քանի փուլ է ընթացել ԱՄՆ-ին միջուկային գործարք վերադարձնելու ուղղությամբ։ ԱՄՆ-ն ուղղակիորեն չի մասնակցել բանակցություններին, քանի որ միակողմանիորեն դուրս էր եկել ԳՀՀԾ-ից։ Կողմերին, այնուամենայնիվ, չի հաջողվել համաձայնության հասնել։