Արագածոտնի մարզի Նորաշեն գյուղի վարչական տարածքում այրվել է մոտ 30 հա խոտածածկույթ

ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Արագածոտնի մարզային փրկարարական վարչության ճգնաժամային կառավարման կենտրոնը սեպտեմբերի 8-ին, ժամը 15։35-ին ահազանգ է ստացել, որ Նորաշեն-Արևշատ ավտոճանապարհին այրվում է խոտածածկույթ։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։

Ըստ աղբյուրի՝ պարզվել է, որ հրդեհը բռնկվել է Նորաշեն գյուղի վարչական տարածքում։

Նշվում է, որ հրդեհը մեկուսացվել է ժամը 16:25-ին, մարվել՝ 17։05-ին: Այրվել է մոտ 30 հա խոտածածկույթ։