Տնտեսություն

Միջազգային փորձագետները մասնակցել են ՀՀ ԿԲ դրամավարկային քաղաքականությանը նվիրված գիտաժողովի առաջին պանելային քննարկմանը

5 րոպեի ընթերցում

Միջազգային փորձագետները մասնակցել են ՀՀ ԿԲ դրամավարկային քաղաքականությանը նվիրված գիտաժողովի առաջին պանելային քննարկմանը

ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ կենտրոնական բանկի Դիլիջանի ուսումնահետազոտական կենտրոնում անցկացված «Հայկական դրամի 30-ամյակը. կողմնորոշվել նոր թվային դարաշրջանում՝ խորհելով անցյալի մասին» բարձր մակարդակի գիտաժողովի առաջին պանելային քննարկման թեման է եղել «Դրամավարկային և հարկաբյուջետային քաղաքականությունը բարձր գնաճային միջավայրում»:

Ինչպես «Արմենպրես»-ին տեղեկացրին ՀՀ կենտրոնական բանկից, քննարկմանը մասնակցել են Մասաչուսեթսի տեխնոլոգիական ինստիտուտի տնտեսագիտության պրոֆեսոր Աթանասիոս Օրֆանիդեսը, Ֆրանսիայի բանկի տնտեսագիտության և միջազգային հարցերով գլխավոր տնօրեն Օլիվյե Գարնիեն, Արգենտինայի կենտրոնական բանկի նախկին կառավարիչ Ֆեդերիկո Ստուրցենեգերը, Ասիական զարգացման բանկի ինստիտուտի ավագ գիտաշխատող Սայուրի Շիրայը, Լոնդոնի տնտեսագիտության դպրոցի Համակարգային ռիսկերի կենտրոնի տնօրեն Ջոն Դանիելսոնը։

«Հայաստանի Հանրապետության կենտրոնական բանկը քովիդի համավարակից հետո, աշխատելով բարդ միջավայրում, շատ արդյունավետ է գործել գների կայունությունն ապահովելու հարցում», - նշել է Մասաչուսեթսի տեխնոլոգիական ինստիտուտի տնտեսագիտության պրոֆեսոր Աթանասիոս Օրֆանիդեսը` Կենտրոնական բանկի կազմակերպած բարձր մակարդակի գիտաժողովի ժամանակ:

«Դրամավարկային և հարկաբյուջետային քաղաքականությունը բարձր գնաճային միջավայրում» թեմայով պանելային քննարկման ժամանակ բանախոսները Եվրոպական կենտրոնական բանկի և ԱՄՆ Դաշնային պահուստային համակարգի` գների կայությունն ապահովելուն ուղղված ջանքերի համատեքստում դիտարկել են ՀՀ ԿԲ-ի` գնաճի թիրախավորման քաղաքականությունը:

«ՀՀ կենտրոնական բանկը 2020 թվականի առաջին կիսամյակում առավել կոշտ քաղաքականություն է վարել և կարողացել է հասնել գների կայունության: Օրինակ, Եվրոպական կենտրոնական բանկը կամ ԱՄՆ Դաշնային պահուստային համակարգն ավելի ուշ են գնացել նման քայլերի, ինչը հանգեցրել է գնաճի»,- ասել է Աթանասիոս Օրֆանիդեսը` հավելելով, որ, չնայած գնաճի կանխատեսումներին, երկար ժամանակ Եվրամիությունում հիմնական տոկոսադրույքը ցածր գոտում էր:

Ըստ աղբյուրի՝ տնտեսագետը կոչ է արել կենտրոնական բանկերին չմոռանալ գիտության և դրա հիմքերի մասին և դրանց դեմ քայլեր չկատարել: «Չի կարելի ամեն բան վերագրել անորոշություններին և դրանով բացատրել որոշումներ չկայացնելը, քաղաքականություն չփոխելը»,- նկատել է Օրֆանիդեսը:

Բանախոսներից Ֆրանսիայի բանկի տնտեսագիտության և միջազգային հարցերով գլխավոր տնօրեն Օլիվյե Գարնիեն զգուշացրել է, որ առաջիկա տասը տարիներին գնաճային ռիսկերը պահպանվելու են` առանձնացնելով դրանք առաջացնող մի քանի գործոն: «Առաջին, շոկերի մեծություն և հաճախակիություն` պայմանավորված աշխարհաքաղաքական խնդիրներով, երկրորդ՝ գլոբալ մատակարարումների շղթաների փոփոխություն և արհեստական բանականության գործոնի հետ կապված անորոշությունները, և երրորդ՝ տնտեսության տարբեր բնագավառների միջև անհավասարության խորացում»,- ասվում է հաղորդագրության մեջ:

Նշվում է՝ Արգենտինայի կենտրոնական բանկի նախկին կառավարիչ Ֆեդերիկո Ստուրցենեգերը, որն այժմ Սան Անդրեսի համալսարանի տնտեսագիտության պրոֆեսոր է, կարևորել է Կենտրոնական բանկի դերը՝ հատկապես կայուն արժույթ ունենալու համատեքստում: «Եթե այն չկա, ապա նորմալ գործող տնտեսություն ունենալը դառնում է երազանք», - նկատել է Ստուրցենեգերը` նշելով Արգենտինայի օրինակը, որտեղ գնաճը 30 տոկոս է:

Նրա խոսքով՝ տնտեսության նկատմամբ Կենտրոնական բանկի քաղաքականությունը պետք է լինի չեզոք, քանի որ գլխավոր դրամատան խնդիրը գների կայությունն է, ոչ թե արտադրությունների կամ դրանց ծավալների մեծացումը:

ՀՀ ԿԲ տեղեկացմամբ՝ քննարկման մյուս մասնակիցները` Ասիական զարգացման բանկի ինստիտուտի ավագ գիտաշխատող Սայուրի Շիրայը և Լոնդոնի տնտեսագիտության դպրոցի Համակարգային ռիսկերի կենտրոնի տնօրեն Ջոն Դանիելսոնը ևս կարևորել են Կենտրոնական բանկի դրամավարկային քաղաքականության գործիքների դերը գնաճի զսպման գործում:

Եվրոպական ինդեքսներ- 19/07/24

Տնտեսություն

Եվրոպական ինդեքսներ- 19/07/24

Ամերիկյան ինդեքսները նվազել են- 19/07/24

Տնտեսություն

Ամերիկյան ինդեքսները նվազել են- 19/07/24

NYMEX. Թանկարժեք մետաղների գները նվազել են- 19/07/24

Տնտեսություն

NYMEX. Թանկարժեք մետաղների գները նվազել են- 19/07/24

Նավթի գները նվազել են - 19/07/24

Տնտեսություն

Նավթի գները նվազել են - 19/07/24

Դեսպան Մկրտչյանը Սալոնիկի նավահանգստի ղեկավարությանը համագործակցության հեռանկարներին տեղում ծանոթանալու համար հրավիրել է Հայաստան

Տնտեսություն

Դեսպան Մկրտչյանը Սալոնիկի նավահանգստի ղեկավարությանը համագործակցության հեռանկարներին տեղում ծանոթանալու համար հրավիրել է Հայաստան

Հայաստանի ֆոնդային բորսան առևտրի ծավալներով դարձել է առաջատարներից մեկը ԵԱՏՄ-ում

Տնտեսություն

Հայաստանի ֆոնդային բորսան առևտրի ծավալներով դարձել է առաջատարներից մեկը ԵԱՏՄ-ում

ՀՀ ՍԱՏՄ-ն գործադրում է բոլոր ջանքերը ՌԴ պտուղ-բանջարեղեն արտահանող 16 ընկերությունների հետ կապված իրավիճակն արագ կարգավորելու համար

Տնտեսություն

ՀՀ ՍԱՏՄ-ն գործադրում է բոլոր ջանքերը ՌԴ պտուղ-բանջարեղեն արտահանող 16 ընկերությունների հետ կապված իրավիճակն արագ կարգավորելու համար

Մեհդի Սոբհանին հայտարարել է, որ Իրանը մոտ ապագայում կկրկնապատկի էլեկտրաէներգիայի ներմուծումը Հայաստանից

Տնտեսություն

Մեհդի Սոբհանին հայտարարել է, որ Իրանը մոտ ապագայում կկրկնապատկի էլեկտրաէներգիայի ներմուծումը Հայաստանից

Հայաստանում կներդրվի ընտանիքի անապահովության գնահատման նոր համակարգ

Ֆինանսներ

Հայաստանում կներդրվի ընտանիքի անապահովության գնահատման նոր համակարգ

Հունաստանում ՀՀ դեսպանը Սևծովյան առևտրի և զարգացման բանկի գլխավոր քարտուղարին է ներկայացրել ՀՀ-ում արձանագրված տնտեսական աճի միտումները

Տնտեսություն

Հունաստանում ՀՀ դեսպանը Սևծովյան առևտրի և զարգացման բանկի գլխավոր քարտուղարին է ներկայացրել ՀՀ-ում արձանագրված տնտեսական աճի միտումները

Ամերիկյան ինդեքսները նվազել են - 18/07/24

Տնտեսություն

Ամերիկյան ինդեքսները նվազել են - 18/07/24

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում