«Մեկ գոտի-մեկ ճանապարհ» նախաձեռնությունը ԵԱՏՄ-ի հետ կապակցելը նոր հնարավորություններ կբացի. Չինաստանի դեսպան

2 րոպեի ընթերցում

ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: Եվրասիական տնտեսական միության (ԵԱՏՄ) երկրների հետ «Մեկ գոտի-մեկ ճանապարհ» նախաձեռնության համակարգումը նոր հնարավորություններ կբացի տրանսպորտի և էներգետիկայի բնագավառում համագործակցության համար։ «Արմենպրես»-ի փոխանցմամբ, այդ մասին ТАСС գործակալությանը հայտնել է ՌԴ-ում Չինաստանի դեսպան Չժան Հանհուեյը։

«Մենք կարծում ենք, որ «Մեկ գոտի, մեկ ճանապարհ» նախաձեռնությունը ԵԱՏՄ-ի հետ կապակցելը նշանակում է նոր հնարավորություններ մեր համագործակցության համար։ Նախ՝ մենք զարգացնում ենք ինտեգրված համագործակցությունը տրանսպորտի և փոխադրումների բնագավառում։ Դուք գիտեք, որ այսօր մենք արդեն կառուցել ենք և՛ գազամուղներ, և՛ նավթատարներ: Իսկ այժմ պլանավորվում են նոր անդրսահմանային էներգետիկական նախագծեր։ Կարծում եմ, որ դա նպաստում է մեր համագործակցությանը, հատկապես՝ ներկայիս իրավիճակում։ Դա առավել ևս շատ կարևոր է Չինաստանի և Ռուսաստանի համար», - ասել է դեսպանը «Մեկ գոտի-մեկ ճանապարհ» նախաձեռնության 10-ամյակին նվիրված սեմինարի ժամանակ, որն անցկացվել է Մոսկվայում Չինաստանի դեսպանատանը։

Այս առնչությամբ դեսպանը նշել է, որ «այսօր ռուսական էներգետիկական արտադրանքի մեծ մասը մատակարարվում է Չինաստան»։ Նա նաև ուշադրություն է հրավիրել առևտրի և ներդրումների ոլորտում համագործակցության զարգացման, երկու երկրների միջև հումանիտար ոլորտում փոխգործակցության ակտիվացման վրա։

Հայերեն Русский

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա