ՌԴ-ի և Ադրբեջանի փոխարտգործնախարարները քննարկել են հայ-ադրբեջանական հարաբերությունների կարգավորման գործընթացը
1 րոպեի ընթերցում
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ։ Ռուսաստանի փոխարտգործնախարար Միխայիլ Գալուզինը ընդունել է Ադրբեջանի արտաքին գործերի փոխնախարար Էլնուր Մամեդովին։ Ինչպես տեղեկացնում է «Արմենպրես»-ը, այս մասին հայտնում են ադրբեջանական լրատվամիջոցները։
Նշվում է, որ հանդիպմանը քննարկվել են Ադրբեջանի և Ռուսաստանի միջև երկկողմ համագործակցության հարցեր, այդ թվում՝ տարածաշրջանում առկա իրավիճակը։
Մամեդովն ու Գալուզինը խոսել են տարածաշրջանում տիրող իրավիճակի, Ադրբեջանի և Հայաստանի միջև հարաբերությունների կարգավորման գործընթացի և խաղաղության օրակարգի աշխատանքների մասին։