1 րոպեի ընթերցում
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ։ Թուրքիայի նախագահ Ռեջեփ Թայիփ Էրդողանը հայտարարել է, որ սեպտեմբերին կարող է անձնական հանդիպում ունենալ ՌԴ նախագահ Վլադիմիր Պուտինի հետ՝ քննարկելու Սևծովյան «հացահատիկի գործարքը»: «Արմենպրես»-ի հաղորդմամբ՝ այս մասին հայտնում է «Ինտերֆաքս»-ը՝ վկայակոչելով «Անադոլու» գործակալությունը:
«Թուրքիայի նախագահ Էրդողանն ասել է, որ կարող է Պուտինի հետ դեմ առ դեմ հանդիպել՝ քննարկելու համար Սևծովյան «հացահատիկի գործարքը», եթե առաջնորդները դրա համար ժամանակ ունենան», - հայտնում է գործակալությունը:
Նախագահը նշել է, որ Թուրքիայի ԱԳՆ ղեկավար Հաքան Ֆիդանը մոտ ժամանակներս կարող է այցելել Ռուսաստան՝ բանակցությունների համար:
Էրդողանը նաև հայտարարել է ՌԴ-ի և Ուկրաինայի միջև խաղաղ բանակցությունների հնարավորության մասին, եթե երկու երկրների ղեկավարները համաձայնեն Թուրքիայի միջնորդությանը: