Հասարակական

Սպառողների հետ պայմանագիր չկնքելու պարագայում տուրօպերատորները կենթարկվեն պատասխանատվության. սպասվող փոփոխությունները

5 րոպեի ընթերցում

Սպառողների հետ պայմանագիր չկնքելու պարագայում տուրօպերատորները կենթարկվեն պատասխանատվության. սպասվող փոփոխությունները

ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ։ Զբոսաշրջության ոլորտում սպասվում են մի շարք օրենսդրական փոփոխություններ, որոնք կնպաստեն թափանցիկության բարձրացմանը, պայմանների բարելավմանը։ «Արմենպրես»-ի մամուլի սրահում հրավիրված ասուլիսում ՀՀ Էկոնոմիկայի նախարարության զբոսաշրջության կոմիտեի քաղաքականության վարչության պետ Անահիտ Մկրտչյանը նշեց, որ երկար տարիներ այս ոլորտում հիմնարար օրենսդրական փոփոխություններ չեն կատարվել, իսկ զբոսաշրջությունը դինամիկ զարգացող ոլորտ է և բարեփոխումների անհարժեշտություն կա։

«Սպասվող փոփոխություններից մեկն այն է, որ զբոսաշրջության ոլորտում իրականացվող գործունեությունը ծանուցման ենթակա է դառնում։ Գործող օրենսդրությամբ զբոսաշրջային ծառայությունները չեն ծանուցում իրենց գործունեության մասին։ Նոր փոփոխություններով նախատեսվում է, որ զբոսաշրջային օպերատորները, գործակալները, հյուրանոցային ծառայություններ մատուցող անձինք, զբոսավարները, ուղեկցորղները պետք է Զբոսաշրջության կոմիտեին ծանուցեն իրենց գործունեության մասին՝ ներկայացնելով օրենսդրությամբ սահմանված բոլոր փաստաթղթերը»,-ասաց Անահիտ Մկրտչյանը։

Տուրիզմի հայկական ֆեդերացիայի նախագահ Մեխակ Ապրեսյանը դրական գնահատեց կատարվող փոփոխությունները՝ նշելով, որ դրանք երկար սպասված են։ Ըստ նրա՝ նոր օրենսդրական փաթեթը ինստիտուցիոնալ բարեփոխումների հիմքն է։

«Զբոսաշրջային ոլորտում ծավալվող գործունեությունը ծանուցման ենթակա դարձնելը շատ կարևոր նախաձեռնություն է։ Դա կնպաստի ոլորտի գործարար, մրցակցային միջավայրի բարելավմանը։ Գործունեություն ծավալողները կհաշվառվեն, իրենց առջև կդրվեն պահանջներ, որոնց համապատասխան պարտավոր են գործել։ Դրանից բացի, այդ բոլոր թվարկված սուբյեկտները կբերվեն հարկային դաշտ։ Այսօր մենք ունենք անբարեխիղճ աշխատողներ, որոնք գրանցված չեն որպես բիզնես, տնից աշխատելով, ցածրորակ ծառայություններ մատուցելով՝ գործում են։ Այս գործընթացով պետությունը ցանկացողներին հրավիրվում է հավասար պայմաններով բարեխղճորեն գործել զբոսաշրության ոլորտում»,-ասաց Մեխակ Ապրեսյանը։

Զբոսաշրջային ոլորտում ծավալվող գործունեությունը ծանուցման ենթակա դարձնելը նաև օգնելու է ձևավորել էլեկտրոնային գրանցամատյան, որտեղ հավաքագրվելու է զբոսաշրջային սուբյեկտների մասին ամբողջ տեղեկատվությունը։ Էլեկտրոնային գրանցամատյանը բաց ու հասանելի է լինելու բոլորի համար, այդ թվում՝ սպառողների։ Վերջիններս կարող են տուրօպերատորների գործունեությունը ստուգել այդ գրանցամատյանների միջոցով՝ խուսափելով խաբեություններից։

Սպառողների իրավունքների պաշտպանությունն ամուր հիմքի վրա դնելու համար նախատեսվում է ևս մեկ փոփոխություն։ Մասնավորապես, այսօր գործող օրենսդրությամբ սահմանված է, որ տուրիստական ընկերությունը պետք է սպառողի հետ աշխատի պայմանագրով։ Անահիտ Մկրտչյանը նշեց, որ գործնականում շատ տուրօպերատորներ պայմանագրով, ամեն դեպքում, չեն աշխատում։ Օրենսդրական բացն այն է, որ չկա վերահսկող մարմինը։ Այսինքն՝ նման դեպքում ո՞ւմ կարող է դիմել քաղաքացին, ո՞ր կառույցն է պատասխանատվության կանչելու տուրօպերատորին։ Նոր փոփոխություններով այդ վերահսկողական գործառույթը պատվիրակվելու է տեղական ինքնակառավարման մարմիններին։ Տուգանելուց զատ, տուրիստականները կարող են զրկվել գործունեության իրավունքից։

«Օրենքով սահմանվելու են կոնկրետ պահանջներ, որոնք պարտադիր պետք է ներառվեն սպառողի հետ կնքվող պայմանագրում։ Դրանով պետությունը երաշխիքների հիմք է ստեղծում, որ տուրօպերատորի ծառայությունից օգտվող սպառողը պաշտպանված լինի։ Մենք ունեցել ենք դառը փորձ, երբ մեր քաղաքացիները մնացել էին այլ երկրում և տուրիստական ընկերությունը չէր ապահովել նրանց հետադարձը, թեպետ, դրա համար վճարված էր։ Հիմա օրենսդրորեն տուրօպերատորներից պահանջվելու են երաշխիքներ»,-ասաց Անահիտ Մկրտչյանը։

Օրենսդրական փոփոխություններ են սպասվում նաև ոլորտում աշխատող սուբյեկտների որակավորման մեխանիզմները բարելավելու ուղղությամբ՝ համապատասխանեցնելով միջազգային չափանիշներին։

Օրենսդրական փոփոխություններն ուժի մեջ կմտնեն 2024 թվականի հունիսի 30-ից՝ փուլային տարբերակով։

Բացահայտում ենք Բաթումին նորովի. ինչպե՞ս կազմակերպել ժամանցն ու ի՞նչ պատմական, մշակութային վայրեր այցելել

Տնտեսություն

Բացահայտում ենք Բաթումին նորովի. ինչպե՞ս կազմակերպել ժամանցն ու ի՞նչ պատմական, մշակութային վայրեր այցելել

Երևանի քաղաքապետ Տիգրան Ավինյանը հանդիպել է Հայաստանի հյուրանոցների ասոցիացիայի ներկայացուցիչների հետ

Տուրիզմ

Երևանի քաղաքապետ Տիգրան Ավինյանը հանդիպել է Հայաստանի հյուրանոցների ասոցիացիայի ներկայացուցիչների հետ

Հնդկաստանն «Արմենպրես»-ի թղթակցի աչքերով. տպավորություններ ճանաչողական այցից

Տուրիզմ

Հնդկաստանն «Արմենպրես»-ի թղթակցի աչքերով. տպավորություններ ճանաչողական այցից

Չինական մեծ պատ, Չինաստանի ազգային թանգարան, ակրոբատիկ շոու. հայ լրագրողների և բլոգերների «արկածները» Չինաստանում

Տուրիզմ

Չինական մեծ պատ, Չինաստանի ազգային թանգարան, ակրոբատիկ շոու. հայ լրագրողների և բլոգերների «արկածները» Չինաստանում

Մեր նպատակն է վրացիներին տեղեկացնել, որ Հայաստանը հրաշալի երկիր է․ վրացական զբոսաշրջային ընկերության տնօրեն

Տնտեսություն

Մեր նպատակն է վրացիներին տեղեկացնել, որ Հայաստանը հրաշալի երկիր է․ վրացական զբոսաշրջային ընկերության տնօրեն

Ծաղկաձորի նախկին «Գոլդեն փելես» հյուրանոցի գնորդն ամբողջությամբ կատարել է պարտավորությունները

Տնտեսություն

Ծաղկաձորի նախկին «Գոլդեն փելես» հյուրանոցի գնորդն ամբողջությամբ կատարել է պարտավորությունները

Զբոսաշրջության ոլորտում Հայաստանի և Վրաստանի միջև արդյունավետ համագործակցություն դեռևս չի ձևավորվել

Տնտեսություն

Զբոսաշրջության ոլորտում Հայաստանի և Վրաստանի միջև արդյունավետ համագործակցություն դեռևս չի ձևավորվել

Ավիաչվերթները տուրիզմը զարգացնելու կարևոր միջոցներից են. Մեխակ Ապրեսյան

Տնտեսություն

Ավիաչվերթները տուրիզմը զարգացնելու կարևոր միջոցներից են. Մեխակ Ապրեսյան

Հայ զբոսաշրջիկներն ավելի շատ են այցելում Վրաստան, քան վրացիները՝ Հայաստան

Տնտեսություն

Հայ զբոսաշրջիկներն ավելի շատ են այցելում Վրաստան, քան վրացիները՝ Հայաստան

Հայաստանն ու Վրաստանը պատրաստվում են ավելի ներկայանալի հայտեր մշակել զբոսաշրջիկների համար

Տնտեսություն

Հայաստանն ու Վրաստանը պատրաստվում են ավելի ներկայանալի հայտեր մշակել զբոսաշրջիկների համար

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Հասարակական

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում