Արարատ Միրզոյանը ցավակցել է Վրաստանում ողբերգական աղետի հետևանքով զոհերի կապակցությամբ

ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ։ Հայաստանի արտաքին գործերի նախարար Արարատ Միրզոյանը ցավակցել է Վրաստանի ժողովրդին և իշխանություններին՝ երկրում տեղի ունեցած սողանքի կապակցությամբ, որի հետևանքով 6 մարդ է զոհվել։

«Խորը ցավով տեղեկացա Վրաստանի Ռաչայի շրջանում տեղի ունեցած աղետի մասին, որը մարդկային կյանքեր խլեց։ Այս ծանր պահին իմ ցավակցությունն եմ հայտնում եղբայրական վրաց ժողովրդին և իշխանություններին, իսկ զոհերի հարազատներին մաղթում տոկունություն, համբերություն»,- «Թվիթեր»-ի իր միկրոբլոգում գրել է Միրզոյանը։

ღრმა მწუხარებით შევიტყვე #რაჭა’ს რეგიონში მომხდარი სტიქიის შესახებ, რომელმაც ადამიანების სიცოცხლე შეიწირა.

ვუსამძიმრებ მოძმე #ქართველ ხალხს და #საქართველო’ს ხელისუფლებას ამ მძიმე წუთებში, ხოლო დაღუპულთა ნათესავებს გამძლეობას და მოთმინებას ვუსურვებ. pic.twitter.com/P0e1edkF01

— Ararat Mirzoyan (@AraratMirzoyan) August 4, 2023

Օգոստոսի 3-ի ցերեկը տեղի ունեցած սողանքի հետևանքով քանդվել են կամուրջներ, վնասվել է Շովի տանող ճանապարհի մուտքը, զբոսաշրջային քոթեջներ և «Սանսեթ Շովի» հյուրանոցը։ Վրաստանի իշխանություններն այս պահի դրությամբ հայտնել են 6 զոհի մասին։