1 րոպեի ընթերցում
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ։ Սիրիայի արտաքին գործերի նախարար Ֆեյսալ Միքդադը պատվիրակության հետ միասին ժամանել է Թեհրան և հանդիպել իրանցի իր գործընկեր Հոսեյն Ամիր Աբդոլլահիանին։ «Արմենպրես»-ի փոխանցմամբ՝ այս մասին հաղորդում է IRNA գործակալությունը։
Սիրիայի ԱԳՆ ղեկավարի դիմավորման արարողությունն անցկացվել է Իրանի արտաքին քաղաքական գերատեսչության շենքում։
Երկկողմ հանդիպման ընթացքում կողմերը կքննարկեն համագործակցության մասին փաստաթղթերի իրագործումը, որոնք երկու երկրների միջև ստորագրվել էին Իրանի նախագահ Էբրահիմ Ռայիսիի՝ վերջերս Սիրիա կատարած այցի ընթացքում։