Վարդավառի միջոցառումները Երևանում մեկնարկել են ջրցան և փրկարար ծառայության մեքենաների շքերթով
1 րոպեի ընթերցում
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Վարդավառի համաքաղաքային միջոցառումների մեկնարկը մայրաքաղաքում տրվել է վաղ առավոտյան՝ ջրցան և ՀՀ ՆԳՆ փրկարար ծառայության մեքենաների շքերթով:
Ինչպես «Արմենպրես»-ին տեղեկացրին Երևանի քաղաքապետարանից, լվացվել ու մաքրվել են նաև երևանյան արձանները. աշխատանքներն իրականացվել են Երևանի քաղաքապետարանի և ՀՀ ՆԳՆմասնագիտացված տեխնիկայով:
Նշվում է, որ տոնին ու քաղաքի մաքրությանը միացել են նաև կամավորները:
«Միմյանց ջրելու ավանդույթը՝ Երևանի հանգստի գոտիներում համախմբել էր նաև քաղաքի հյուրերին»,- հայտնում են Երևանի քաղաքապետարանից: