Մասիսում բնակելի վագոն-տնակ է այրվել

ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Արարատի մարզային փրկարարական վարչության ճգնաժամային կառավարման կենտրոնը hուլիսի 12-ին, ժամը 10։44-ին ահազանգ է ստացել, որ Մասիս քաղաքի առաջին թաղամասի 1-ին փողոցում այրվում է վագոն-տնակ:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։

Ըստ աղբյուրի՝ պարզվել է, որ հրդեհը բռնկվել է Մասիս քաղաքի առաջին թաղամասի 3-րդ նրբանցքում գտնվող բնակելի վագոն-տնակում։

Նշվում է, որ հրդեհը մեկուսացվել է ժամը 11:15-ին, մարվել՝ 12:05-ին։ Այրվել է բնակելի վագոն-տնակ (մոտ 18 քմ)։