1 րոպեի ընթերցում
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ։ Իրանի կենտրոնական Սպահան նահանգի օդանավակայանում խուզարկության ժամանակ կնոջ ստամոքսում հաշիշի առնվազն 126 պարկուճ է հայտնաբերվել։ Այս մասին «Արմենպրես»-ը տեղեկանում է ТАСС գործակալությունից։
Ըստ տեղեկատվության՝ Սպահանից թռչող կնոջ պահվածքը իրավապահներին կասկածելի է թվացել։ Նրան բերման են ենթարկել, որից հետո կատարվել է բժշկական փորձաքննություն։ Այն ցույց է տվել, որ կասկածյալի ստամոքսում թմրամիջոց պարունակող պարկուճներ կան։
Կինը խոստովանական ցուցմունք է տվել և տեղափոխվել հիվանդանոց, որտեղ նրա ստամոքսից հանել են հաշիշի 126 պարկուճ։ Դրանց ընդհանուր քաշը կազմել է մոտավորապես 1,74 կգ։ Գործն ուղարկվել է դատարան՝ հետագա քննության համար։